Liedgut aus Höhenberg

Höhenberger's Heimatlied

Melodie: "Wo die Nordseewellen schlagen an den Strand ..."
Text: Johanna Fendel

1.) Zweschen Kalker Boge un de Mermer Heid
levven Minsche treu wie Gold un schwer gescheit -
han e Häzz für Fruhsinn, glich ov Mann ov Frau
un wenn Nut am Mann es, och jet en der Mau.

2.) Trick der Frühling he met singem Hofstaat en
gonn verliebt die Pärche no der Heid dann hin
wo die Bäum do rauschen schwören sie sich treu
un beim Küsse tauschen gon de Schöf vorbei.

3.) Rings öm unsre Vorort wie en wahre Pracht
blöhn de Schrebergäden dat et Häzz uns lach
alles zeugt von Liebe, Heimatsenn un Glöck
dröm han mir ald Heimweh, sinn mir nur en Bröck.

4.) Selvs der Krichhoff litt bei uns em Frühlingsrausch
jedes ahle ühmche sich sing Plätz'che sorg.
Op der Bank em Sönnche weed et Häzz im wärm
nevvenahn e Möhnche dräump vum Abendstern.

5.) Sitt ihr och allein leev Fräuche, su meint er
Och ich ben su einsam, gläuvt et leeven Här
Sollen dann mir zwei nit unsre ahle Dag
jetz zosammeläge, wär dat nit en Sach.

6.) Su han selvs die Ahle he bei uns noch Glöck
gläuvt de Höhnberg es vun Kölle et beste Stöck
dröm bliev jeder he bei uns ov rieh ov ärm
es mer alt ov jung die Sonn schingk jedem wärm.